Lag din eigen font!

Dei som kjenner meg godt kjenner kanskje att skrifta på dette bilete? Det er nemleg mi skrift!

Utruleg kreative Mrs. Hardy har laga sin eigen font av handskrifta si, det måtte jo berre eg og gjere:)

Vil du prøve?

Gå inn her for å prøve:)

p.s kostar rundt 60 kr



Ut på eventyr!

For ei stund tilbake las eg eit bloggeventyr på ein blogg eg kom over. Det gjekk ut på å byrje med blogg nr 5 på bloggrollen din, gå videre til blogg nr 5 på denne personen sin bloggroll, osv. I dag tenkte eg at eg skulle gjere det same. Eg kom over mange flotte bloggar, så her er det berre til å kose seg:)

1. Eg byrja med blogg nr 5 i "generelt kreative bloggerar" rollen min. Her møter me Fräulein Klein sin vakre blogg.

Ho skriv på tysk så eg skjønar ikkje så mykje av det ho skriv. Likevel tek ho så vakre bilete, at det er ein av dei flottaste bloggane eg veit om! Herlege feminine bilete. Just the way I like it;) Dersom du var ein av dei som fylgde med i tysktimen, så får du kanskje endå meir ut av bloggen;)

2. Blogg nr. 5 på Fräulein Klein sin bloggroll er faktisk ein norsk blogg. Nemleg Fru Lisa. Ei småbarnsmor som blant anna bloggar om familieliv og renovering av eit hus frå 1916. Og slikt likar me jo! Slikt likar i alle fall eg:) Ho har og ein kjekk "ukesmeny". Så her kan du få middagstips:)

3. Videre finn me Prinsesse Elin. "34 år, mamma og kone, grafisk formgiver av utdannelse..." er noko av det ho skriv om seg sjølve. Det at ho har ei kreativ utdanning viser igjen i bloggen hennar. Fine bilete i ein fin heim!

4. Neste mann (kvinne) ut er Frøken knopp. Ein svensk blogg denne gongen. Ho bloggar mykje om heim, men og ein del om hage og blomar. Flotte bilete av litt landleg/fransk stil.

5. Siste mann på lista er Me and Alice. Dette er svenske Susanne som jobbar som stylist og skribent. Slikt kan det jo berre bli ein knakande flott blogg av! Her får me sjå flotte, inspirerande bilete frå blant anna heimen hennar i Dalarna.

Det var altså mitt vesle bloggeventyr:) Det at eg skulle komme over så mange flotte bloggar trudde eg faktisk ikkje. Her er det mykje flott for auga, så enjoy:)

Luke 19

Nei, dette bilete er dessverre ikkje tatt av meg...

Det er tatt av fotograf Jan Ivar Vik. Under dagens luke ligg det nemleg ei blogganbefaling. Eg oppdaga eigentleg denne bloggen gjennom vener og er så glad for det! Vik er særleg god på portrett og brudlaupsfotografi og det er det eg likar så godt med denne bloggen. Personlege og vakre bilete av menneske. Ofte med ein liten dæsj humor:)

Her har kanskje me bloggedamer noko å lære? Me treng ikkje alltid ha kvit lakenbakgrunn;) Flotte bilete teke heime i stova til dette nybakte paret.

Det som er særleg kjekt for oss som likar å knipse litt, er at han legg ut fototips! Nokre døme er tips om uklar bakgrunn på portrettbilete og fotografering i dårleg lys.

Trykk deg inn her for å lese fleire tips. Trykk her for å kome til framsida til denne flinke fotografen.

...................................................................

Sidan dette ikkje var eit særleg "julete" innlegg legg eg ved ein julesong i dag. Her er eit lite utdrag, det finaste verset i heile songen spør du meg:

Jeg sloss og jeg led, gjorde alt for å vinne

Da hørte jeg englene synge om fred

Legg våpnene ned, det er jul du må finne

en fred inni hjertet et sted