Innehelg

Så blei det sofaen i helga. I stadenfor utdrikningslag til ei god venninne og kos med ein kjekk jentegjeng. Men omgangssjuka er ikkje til å spøke med...

Puta dykk ser her er nokre billige puter som eg har "piffa" opp med strykeark frå Clas Ohlson. Berre til å skrive ut det bildet du vil på papiret og stryke på. Vips, så har du ei meir spanande pute!

Håpar helga di har vore betre enn mi;)

Papirgirlander

Eit lite prosjekt som eg og eldstejenta dreiv med her ein dag. Eg trykka ut scrappepapir og laga hol med holemaskin, mens ho tredde dei på tråden. Enkelt og raskt! Og det blir fin pynt på eit leikerom:)

Brikettklede

Ein gammal "lobbe" + lite ferdigheiter innan sokkestopping + overskudd til å vere kreativ

=

nye klede til tennbrikettane!

Klesklyper og system

Eg er stadig på jakt etter gode system for papirer og viktige/mindre viktige gjeremål. Dette er eit av prosjekta mine. Det funkar til ein viss grad...men eg er stadig på jakt;) Har du gode tips?

Man tager hva man haver

Eit lite "resteprosjekt"

Eit par pappstykkje, ein stiftepistol, ein tapetknip og litt stoffrestar = ein lilla K

Eg skar ut to K-ar i papp og stifta dei saman, slik at bokstaven min blei litt kraftigare og meir stabil. Deretter limte eg på remser med stoffrester. Litt enkel pynt på rommet til veslejenta:)

Eigne merkelappar

I nokon av noregsglasa våre har me krydder. På krukkene har eg klistra merkelappar. Eg har laga dei enkelt i word før eg har skreve dei ut på klistremerkepapir frå Clas Ohlson.
Inspirasjon fann eg hos Fru fly

Heimemekka påskeegg

Etter inspirasjon frå Skrinet mitt og ein lokal interiørbutikk har eg laga nokre påskeegg. Egga har eg limt saman før eg mala dei kvite. Deretter har eg limt på ein liten hekleduk på det eine egget og nokre blonderemser på det andre. Skrifta på det eine egget er små klistremerker.

P.S. Du sparar ikkje tid på å lime på duken fyrst for så å spraylakkere heile egget... I alle fall dersom du bruker dei egga som er litt "ruglete". Egget vil ikkje ta opp fargen;)

Dagens sitat

Eit sitat som er "i vinden" for tida. Eg har blant anna sett det på puter og liknande på Kremmerhuset. Kanskje det er mange som treng å høyre nettopp dette i vår tid? Eg tykjer i alle fall at det er eit kjempeflott sitat. Nå er det innrama og prydar veggen:)

Flaskelysestakar

Eit bilete måtte ned frå veggen her ein dag. Det havna her på sjenken, saman med nokre flaskelysestakar.

Som de ser er det framleis noko etikettlim på den eine flaska. Eg har skrubba og skrubba, men det vil ikkje av! Til slutt gav eg opp heile greia... MEN, så las eg eit kjempetips om å bruke cola på denne bloggen! Så planen er sjølvsagt å teste ut det. Eg må berre manne meg opp litt før eg klarar å sløse slik med cola...;)

Water Lily

Eg kom over denne "vannlilja" på ein blogg ein gong. Sidan me venta gjester til middag i går tenkte eg at eg skulle prøve meg på det. Og det er slettes ikkje så vanskeleg som det kanskje ser ut som:) For instruksjonar gå inn her.

Heimemekka kalender

+

=

Det å hugse fødselsdagar er ikkje mi sterke side. Difor er fødselsdagskalender ein nødvendigheit her i huset. Utvalet av kalenderar er ikkje alltid stort, og eg har ikkje kome over noko eg har falle for.

Her ein dag fann eg denne boka på Fretex og prosjekt: kalender var i gong:) Denne boka har ei månadside for kvar månad som eg har skanna. Deretter har eg laga ein tabell med datoar og satt eit bilete for kvar månad over.

Føreløpig heng kalenderen i ei klesklype. Så får me sjå om den får eit proffare oppheng etter kvart;)

Luke 15

Sjerne laga av kakepapir. Fint og ikkje minst enkelt! Oppskrift finn du her.

Luke 14

Julekorta i år blir hengt opp på denne heimemekka korthengjaren. Ein "julete" tråd med vanlege treklyper og ei kongle i enden.

Det finnes mange slike fine lekkjer i butikkane rundt om kring, men det måtte bli DIY(do it yourself) i år. Det har eigentleg blitt ein heil del DIY føre jula i år. Litt av grunnen er at eg har bestemt meg for å ikkje kjøpe noko julepynt denne jula. Om eg treng noko skal eg lage det... Eg har blitt freista til å kjøpe noko mange gonger, det finnest jo så mykje fint!! Men, eg faktisk klart å la vere (utanom nokre julekuler eg kjøpte før eg hadde bestemt meg..;)

Det er godt å bevise for seg sjølve at ting og pengar ikkje alltid gjer det betre/koselegare!

Vilkåra  for dette "prosjektet" er sjølvsagt at ein må tid og lyst til det...;)

Luke 11

Me er så heldige å ha eit stort kristorntre i hagen. I år har eg blant anna satt nokre kvister oppi eit babyglas. Idèen med å bruke desse babyglasa fekk eg hos ei kreativ "trillevenninne"! Ho hadde satt eit lys oppi, slik eg har gjort her. For å få lyset til å stå godt har eg sukker og nokre frø nedi flaska.

Juleførebuingane byrjar tidleg her i blogglandia. Eg tykjer eg ser juleinnlegg nesten heile hausten;) Det er tydeleg at me kosar oss med juleførebuingar, og det gjer eg og:)

Her er ein song av "Vinskvetten". Dei har vist ikkje heilt dei same kjenslene for jula...;)

Luke 9

I luke 9 ligg ein dørkrans eg laga for nokre dagar sidan.

Kransen er laga av diverse greiner frå hagen. Etterpå har eg festa kristorn og kongler på. Eg fekk ikkje kransen litt å bli heilt rund, så eg måtte strame den med ein streng midt på for dra den saman, hehe... Kanskje eg klarar å lage ein perfekt rund krans neste år? Eventuelt kan eg late som om det var planlagt og hengje noko på strengjen. Til dømes eit lite "god jul" skilt?

Det har blitt ein god del "julemekking" i år. Grunnen er nok hovudsakeleg at eg har permisjon og dermed tid (og ikkje minst overskudd) til det. Eg får vel berre nyte det så lenge eg kan;)

Luke 8

Desse soppane skulle eigentleg bli noko anna enn det dei er i dag. På grunn av upraktisk størrelse måtte eg finne på noko anna. Soppane er klipt ut i stoff og limt på papir med decopage. Deretter har eg stemla ordet blessing på baksida av dei.

Soppane har eg lagt ut på eplabutikken min:)

Kongler

I går var eg ute og plukka litt kongler. Det blei nok ikkje nokon lerkekongler på meg, men furukongler funkar fint det og;) Dersom du vil ha kongler til å opne seg, kan du hive dei i bakeovnen ei stund. Eg hadde dei på 200 grader og skrudde etter kvart ned til 100.

Å klippe eller ikke klippe

DET er spørsmålet

Eg kom over denne vakre boka på ein lokal brukthandel her ein dag. Ei gammal, vakker og godt brukt andaktsbok frå 1873.

Eg kjøpte eigentleg boka for å bruke sidene til andre ting. Som i kort, malerier og liknande. No som ho ligg her, er eg i tvil... Er det verkeleg lov å klippe i ei så gammal bok? Men, dersom eg ikkje klipper, kva skal eg bruke henne til då...?

Det som er så kjekt med slike gamle ting, er at boka ikkje berre er ein skatt i seg sjølve. Inni boka fann eg nemleg fleire små skattar som stammar frå den tidlegare eigaren av boka. Som nokre utskjeringar i gamle tapetar og eit lite hefte frå ei takkegudsteneste. Det slikt som gjer gamle ting så spanande:)

Pappaboksen!

Eg veit ikkje korleis det er hos dykk, men her i gården kan det rett som det er liggje verkty av diverse slag rundt om kring i vinduskarmar og liknande... Ting som ikkje kjem seg heilt på plassen sin etter litt småpusling i heimen. Det har eg og vesla gjort noko med i dag! Lat meg få presentere PAPPABOKSEN:

Ein fin liten "venteplass" før spikrar, skruar og hamrar kjem seg til plassen sin:)

HURRA for den gode pappaen i huset på farsdagen!!