Innehelg

Så blei det sofaen i helga. I stadenfor utdrikningslag til ei god venninne og kos med ein kjekk jentegjeng. Men omgangssjuka er ikkje til å spøke med...

Puta dykk ser her er nokre billige puter som eg har "piffa" opp med strykeark frå Clas Ohlson. Berre til å skrive ut det bildet du vil på papiret og stryke på. Vips, så har du ei meir spanande pute!

Håpar helga di har vore betre enn mi;)

Duk blir pute

Eg hadde ein duk eg ikkje heilt fekk til å passe inn. Difor har eg klipt den opp og laga puter av den. Då blei det straks betre! Rart med det....

På grunn av min angst mot knapphol og glidelås, blei det ei litt pussig løysing på opninga... Fort gjort er det i alle fall:)

Luke 24

Dette innlegget er planlagt og skal etter planen bli publisert av seg sjølve. I dagens innlegg ser de nokre ting som har lege under diverse juletre i år. Nokre maleri, eit par soppar og ein "posepose", alstå ein pose til å ha posar i;)

Eg håpar de alle har hatt ein fin kveld og ynskjer dykk gode dagar framover!

Luke 17

Dette syprosjektet blei laga i fjor og har blitt vist på bloggen min før. Men når ein har 24 luker å fylle må det då vere lov? Dessutan viste eg denne på den gamle bloggen min, så den er ny her;)

Juleposten som ikkje får plass på julekorthengjaren min får plass oppi denne. Her blir den godt vakta av to søte englar:)

Luke 10

Ei litt tidleg julegåve til nokre studievener.

Luke 6

Juleputene i år er sydd av stoff frå H&M. På putene har eg sydd på ein engel og brodert inn "God Jul".

Enkel pute!

Denne puta er eigentleg eit kjøkenhandkle som passa akkurat rundt ei av putene me har i stova. Handkleet har eg kjøpt på Homesidene til H&M. Ein ltt rimelegare variant av dei putene du får kjøpt på interiørbutikkar;) Puta er sydd heilt saman på langsida. På kortsidene har eg rett og slett sydd i to treknappar, utan knappehol. Det vil seie at det ikkje finnest nokon opning på puta. Då måtte eg ha sydd knappehol. Om eg skulle sy knappehol måtte eg ha funne fram bruksanvisninga til symaskinen... Det orka eg ikkje i dag;) Så får det heller vere ei litt upraktisk pute:)

Dyne og pute

Dynetrekk er ein velsigna enkel ting å sy:) Eg likte så godt desse stoffa frå Stoff og stil, og har grubla litt på kva eg skulle lage av dei. Men, det enkle er ofte det beste, så det blei dynetrekk.

Denne vesle kroppen er eigaren av den nye dyna. Det er vist like staseleg å bite i ho:)

Ein annan ting som er enkelt å lage er putetrekk. Så då blei det eit par nye puter og:)