Sundag

Eg blir meir og meir glad i sundagar. For meg er det godt å tenkje at denne dagen skal me ikkje gjere noko spesielt, berre slappe av og kose oss:) Eg trur me treng ein slik dag. Kanskje meir enn nokon gong i desse tider?

Dagen i dag bestod av sundagsskule, sundagsmiddag og kjekt besøk til kaffi:) 

Håpar du har hatt ein fin dag!

Rar/vakker/mystisk blom

Tidlegare i sommar heiv me nokre frø i bedet våras. Opp kom blant anna denne vesle karen. Det er rart kva blomar gjer. Denne enkle blomen gjer det så triveleg å kome inn i stova:) Eg har aldri sett den før og veit ikkje kva den heiter. Veit du?

Peonar

Joda, eg har lagt min elsk på peonar eg og:)

Eg elskar den herlege, lyse rosafargen! 

Og så held dei seg lenge! I alle fall har desse gjort det.

Ynskjer deg ein fin kveld, med eller utan peonar!

God sundag!

Blomar frå hagen

Det er alltid kjekt å pynte litt på bordet når ein får kjekt besøk!

I dag pynta me bordet med blomar frå hagen.

Heldige meg som har god plukkehjelp:)

Rar?

Ein er kanskje litt spesiell når ein kjem heim etter ei langhelg, 

finn visne blomar på bordet og tykjer det er vakkert?

Eg har i alle fall hatt ei flott helg! 

Håpar du og har kost deg:)

Kveldsbukett

Ein fin liten bukett som solar seg i dei siste kveldsstrålene frå sola.

Å, kor eg elskar lyse fine kveldar!

Desse blomane ville ikkje sett slik ut dersom dei var mine... Dette er mamma sine og ho får det liksom litt betre til;) Mine ville vore meir sånn ca grønkvite elle noko i den duren.

Ei god helg til deg og dine!

Siste rest

Nå er vel sommaren over for dei fleste av oss. I alle fall ferien.

Me får nyte det me framleis kan nyte.

Slik som lyse ettermiddagar, ok temperatur og blomar i bedet:)

Sommaranalyse

Lett avflassa neglelakk: eit teikn på at sommaren har vore ei stund.

Ikkje noko særleg "solemerke" mellom tærne på vedkomande: eit teikn på at sola har vore fråvernade så langt.

Fotografering med blom mellom tærne: mangel på kjekke-inneaktivitetar-som-ein-kan-ty-til-når-det-regnar-om-sommaren.

Men nå høyrer eg rykter om ein fin seinsommar! Dersom det stemmer, skal eg vere nøgd:)

Der kom sola!

Endeleg kan me nyte litt sommar på denne kanten og:) Håpar det er like fint hos deg!

Teikn på sommar

Frøken sommarteikn

Her har det vore slik at me må leite etter teikn på sommar i år. Då passa det fint at Anne med moseplassen har ny konkurranse på gong. Denne gongen er det "markblomar" som er tema. Og det er ikkje mykje som er meir sommarleg enn ei eng eller ein vegkant med markblomar. Etter ein tur ut med kamera fann eg nokre teikn på sommar likevel;) Så får me heller glede oss over dei. 

Dei siste syrinene

Det er ikkje så mykje att av syrinene i hagen nå. Men eg har verkeleg brukt dei den tida dei har vore her:) Her er eit bilete eg tok for nokre veker sidan.

Det er utruleg kjekt å bruke blomar frå hagen på våren og utover sommaren. Du skal ikkje sjå vekk frå at det blir fleire "blomebilete" her på bloggen framover;)

Håpar du har ei fin helg!

Myrull

Eg likar så godt denne myrblomen. Myrull trur eg han heiter. Enkel og stilig. Her har eg putta han oppi nokre gamle badesaltflasker eg hadde liggjande(ja, ein kan faktisk få bruk for noko av det ein samlar på..;)

Syrinene er her!

Frøken Siri

Det er ikkje få syriner som er avbilda i bloggar rundt om kring. Men ikkje er det noko rart heller, dei er jo så fine! Ein fordel med å bu i hus med gammal hage er at det dukkar opp slike flotte vekster som dette:)

Ynskjer deg ei fin helg!

Kvister frå hagen

Så herleg det er å kunne hente inn ulike vekster frå hagen! Desse flaskene inneholdt ein gong soyasaus og saft. Nå står kvistene mine og spirer i dei. Den gamle nøkkelen har me funne i huset.

Frøken Tuli

Moseplassen er i gong med ny konkurranse.

Nå er det Frøken Vårtegn 2011 som skal kårast. Mitt bidrag er eit bilete av ein tulipan teke i fjor. Tulipanane i år er ikkje kome så langt endå, men dei er på god veg:)  

Vil du vere med?

Påmeldingsfristen er 13. åpril kl 23.59. Vårtegnet treng ikkje vere ein blomst, men det må ha noko med hage eller natur å gjere.

Oslo

Eit par knips frå førre helg i Oslo.
Vakre Stine og dei fine blomane hennar!

Tusen takk for gjestfridom:) 

Frøken Solslikk

Anne, med bloggen Moseplassen bloggar om hage, planter og dyr. Kvar månad held ho ein "missekonkurranse", og denne månaden er det Frøken Solslikk 2011 som skal kårast:) Frøken Solslikk må vere eit bilete av blom/plante eller dyr/insekt. Frøken Solslikk skal vise fargar, sol og blomsterfryd. Eg tenkte å hive meg på denne konkurransen og bidrar med dette biletet. Bli gjerne med du og, men hugs at fristen går ut den 13. februar, altså i morgon;)

Det er litt morosamt å sjå i bileta mine frå dei to siste somrane. Dette biletet er frå sommaren 2009, då

florerte det med hagebilete. Sommaren 2010 var det derimot lite hagebilete å finne. Då var det nemleg komen baby i hus;)

Ut med julestjerna

Julestjerna vår har fått stå til nå, men nå såg det ut som det var på tide å gi plassen til noko anna.

Greinene eg tok inn til jul får stå litt til. Nå heng dei fine namne"lappane" frå nyttårsaftan på dei:)